بسم الله والصلاه والسلام علي رسول الله
السلام عليكم ورحمه والله وبركاته
فكرت ف مره تغير واجهه الموبايل بتاعك عشان تبقي قابله تتعديل بشكل كامل؟
اكيد انت جربت واجهات كتير جدا ومش عارف تستقر علي حاجه وبتلاقي معظمهم فيه اعلانات كتير ملهاش لازمه والموبايل بتاعك مع الوقت بيبقي تقيل نسبياً.
فأنا في المقاله دي هرتبلك الواجهات بتاعت الموبايلات من الأسرع وكمان ممكن اسيب معاهم واجهات تانيه غير رسميه وبتدي شكل حلو للموبايل
رقم واحد معانا وهي واجهه جوجل الرسميه ( الخام )
تعتبر هي اخف حاجه بالنسبه لكل الموبايلات طبعا عشان من غير اي تعديلات وبتدي سلاسه ف الأستخدام ومش هتحس بزهق بسرعه منها.
الواجهه دي بتُستخدم في جوجل بيكسل طبعا بما انه من الشركه الأم وموبايلات نوكيا الأقرب إلي قلبي وممكن يكون في موبايلات تاني بس انا معرفهاش.
هتلاقي علي المتجر عدد كبير من الواجهات اللي ممكن تعمل منها نفس شكل الستوك اندرويد ده ولكن هيكون في اعلانات كتير ومش حلوة.
رقم اتنين وهي واجهه موبايلات ون بلاس ( الخام المعدله )
مش هنتكلم عنها كتير لأننا يعتبر هنكرر نفس كلام الواجهه الخام بتاع اندرويد ف يلا بينا علي الواجهه اللي بعدها
رقم تلاته وهي واجهه موبايلات اتش تي سي ( الواجهه الخام المتعدله بشكل جميل عشان انا بستهدمها وده تطبيل )
احب اقولك عزيزي المشاهد ان انا لسه مغير تليفوني الhtc بعد استعمال 4 سنين وتغير روم وروت والموبايل تقريبا هيولع بسببي .
استعمالي لواجه الموبايل محستش منها بأي تهنيج ولا اي حاجه زي موبايلات تانيه لأنها مبنيه علي الواجهه الخام بتاعت اندرويد ومتعدل عليها بشكل يخليها الطف بكتير وتقدر تتحكم ف الثيم بتاعها من خلال المتجر اللي هتلاقي فيه ثيمات كتير جدا وتقدر انت كمان تعمل ثيم وترفعه علي المتجر ده عشان الكل يستخدمه معاك.
مازلت بعد تغيير الموبايل بستخدمها وبرشحها لكل الناس كمان وكفايه كده عشان ممكن افضل اتكلم عنها ايام من حبي فيها :"D
رقم اربعه وهي واجهه موبايلات سامسونج ( الواجهه الجديده )
الواجهه دي جميله والأيقونات بتاعتها كويسه مع السرعه الملحوظه فيها عن اللي فاتت واللي يارب تفضل ثابته علي كده
رقم 5 معانا واللي هجمع فيها شويه واجهات ( اوبو وشاومي وهواوي وانفينكس )
مش هجيب صور ولا اي حاجه بس يكفي اقولك انهم مش زي اللي فاتوا من حيث السرعه والشكل والحجات دي كلها ف لو انت من اللي بتحب الزيطه ف الواجهه ف عندك الواجهات دي تقدر تختار بينها
رقم سته ودي واجهه غير رسميه انا استخدمتها فتره كويسه ( ap37 Launcher )
اللانشر ده او الواجهه دي من الذ الواجهات اللي موجوده واللي فضلت فتره مستخدمها وبعيد عن بتاعت الhtc لأنها واخده شكل الكودينج والبرمجه وكده وشبه التيرمكس جدا.
خفيفه وسهل تتعامل معاها لو انت مهووس تقنيه وكمان مفيهاش اعلانات وطريقه الدعم بتاعتهم عن طريق البيتكوين.
وكده انت وصلت لآخر المقال بتاعتي اتمني تكون مبسوط ولو انت بتستخدم واجهات تانيه تقدر تكتب ده ف تعليقات الموضوع ومتنساش تعمله شير مع صحابك اللي عايزين يغيروا الواجهه بتاعتهم او الموبايل كله.